ll आराध्य देवता ll

तू आराध्य देवता
तूच विद्येचा स्वामी
शरण आलो तुला
आता मागणे नाही काही ll

साजिरे रूप तुझे
पाहता भान हरपते
अन तुझ्या चिंतनात
मन गुंग होते ll

पुष्कळ दिलेस आम्हा तरी
आमचे मागणे संपत नाही
पण तू सोबत असलास
कि अजून लागत नाही काही ll

कारण फक्त तुझ्या अस्तित्वानेच
येतो आमच्या असण्याला अर्थ
नाहीतर या स्वार्थी जगात
सारेच आहे व्यर्थ ll

कशी रे इथे हि
लोक अशी वागतात
स्वतःला पुढे नेण्यासाठी
दुसऱ्याला खड्यात पाडतात ll

पण तुझ्यावरचा विश्वासच
आम्हाला जगायला शिकवते
अन संकटातही वाट
शोधून देते ll

तुझा आशीर्वाद असेल सदैव
सोबत हीच करतो आम्ही आशा
जी जगण्याला देईल
आमच्या नवीन दिशा ll

कोमल .....................१९/१/१०