अपूर्ण मी

पूर्णत्वाचा शोध घेत
फिरत होते मी

अंधाऱ्या वाटेत
चाचपडत होते मी

नात्यांचा गुंता
सोडवत होते मी

विचारांची कोडी
उलगडत होते मी

स्वप्नांचे पंख
छाटत होते मी

मनाचा बांध पुन्हा
सावरत होते मी

हरवलेल्या वाटांना
शोधत होते मी

आठवणींचा धागा पुन्हा
सांधत होते मी

आयुष्याच्या वर्तुळात
स्वत्व शोधत होते मी

सारे मिळूनही हरवले
आहे काहीतरी मी

तरीही अपूर्ण आहे
तुझ्याशिवाय मी

कोमल ........................२३/७/१०