Total Pageviews

Saturday, May 1, 2010

हे आता करायला पाहिजे


मनातल्या भावनांना आवरायला पाहिजे
आयुष्य छोट आहे त्याची लांबी वाढवायला पाहिजे...

अजून किती दिवस आपल्याच दुःखांना कुरवाळत बसणार
कधीतरी त्यांच्यावरही हसायला पाहिजे...

खूप छाटले आपल्याच स्वप्नांचे पंख
कधीतरी उंच भरारीही घ्यायला शिकायला पाहिजे...

नेहमीच दुसर्यांना समजून घेण्यात दिवस संपतो
कधीतरी स्वतः साठीही वेळ द्यायला पाहिजे....

सुंदर गोड स्वप्न आता नुसतेच भास ठरले
त्या गोड स्वप्नांना आता गाडायला पाहिजे...

नेहमीच वाट पाहिली मी कुणीतरी परतण्याची
आता माझी वाटच बदलायला पाहिजे....

प्रेम नेहमीच भरभरून दिले मी
आता ते कुठेतरी थांबवायला पाहिजे...

निस्वार्थपणे बऱ्याच गोष्टी केल्या आजपर्यंत
आता आपलाही स्वार्थ साधला पाहिजे...

उगाचच सगळ्यांचा विचार करत बसते
आता स्वतःचाही विचार करायला पाहिजे....

लोकांच्या नजरेत नेहमीच सहानुभूती दिसली
आता ती नजर बदलायला पाहिजे....

गर्दीचा तर भाग मी नेहमीच राहिले
आता स्वतःची ओळखही करायला पाहिजे....

कोमल .....................३०/४/१०

No comments:

Post a Comment